ماهي مشاكل الجيب srt8

أكبر عيب في هالموتر وكالته المتحدة ... كان عندي قراند شيروكي ليميتد 2005 احتجت لطرمبة بنزين من الوكالة قالوا مافيه

إلا طلبية من أمريكا بعد شهر توصل !!! وكالة فاشلة.

سيارات JEEP قوية وجبارة وتعيش معك إذا حافظت عليها.

أغلب الناس يشتكون من SRT8 لأنه يتعرض لإستخدام قاسي من مقاومات وسرعة وخلافه.

لكن إذا حافظت عليه صدقني راح يعيش معك.

أهم شي لاتنسى يكون معك سيارة ثانية عشان لو احتجت قطعة للجيب من الوكالة تصفطه كم يوم وتمشيك الثانية الين

توصل قطعهم :)

بس فانتازي قآلك المشكله الله يوفقه 
ما اقدر ازيد على كلامه حرف واحد

تسلم يابن عمي ولك أحلى لايك

ي  مرحبلي مليون ..  يسلمك ربي من الشر و كلامك و ردك كان صحيح 100%
لذلك تستحق الاعجآب

شكراً لك اخي فانتازي والاخ عبدالله
طيب الوكالات اللي جنبنا في الامارات والبحرين نفس الشي ماعندهم قطع غيار متوفر
انا من الشرقيه فالبحرين قريبه جداً عندي وسمعت يقولون فيه وكيلين مو مثلاً واحد بس 
ما ادري هل القطع متوفر عندهم والا نفس الشي

الوكالات الي جنبنا متوفر فيها قطع الغيار انا شريت قطع اصلي للشيروكي موديل 99 ولقيت اللي ابيه وارخص بكثثثييير
الوكيل اللي عندنا سيئ جدا + قطع غيار نار
واذا ماحصلت اطلب من النت بالكثير اربع ايام وتوصل القطعة 
وبالتوفيق لك

كلامكم صحيح جدا جدا جدا طبعا وكالة المتحدة جدا وكالة فاشلة
الشيروكي اس ار تي فيه عيب واحد بس وبحسب ماسألت مختص بنوعية هذي السياره الا وهي الدفرنس دائما ودوما يتعطل ويخرب سواء حافظت او لا وتعدلت هالامور من موديلات 2009 وفوق
وشكرا

بالعكس اغلب اللي اشتكوا من الدفرنسات هم اصحاب 2009 و طالع و ايضا بعض اصحاب ال2006-2008

لكم مني اكبر تحية على هذا التفاعل الكبير
بعد ماسمعت ارائكم صرفت نظري عن القرند شروكي 
لكم مني جزيل الشكر

انا كنت ميت عليه ولاكن عملت بحث في الانترنت سيارة جبارة وعملية وقوية ولا يعلى عليها
لاكت زي ماذكرو الاخوان قطع الغيار غالية وكثير من الاحيان لابد تطلب من برى