المساعده ضرورى يا اخوان فى جيرانى

روح كلمهم و اذا مانفع معهم نسم الكفر

الله يكون بعونك. اذا بيتك ايجار. دور غيرة

الله يعينك ويصبرك ياخوي كلمهم بشكل ودي وفهمهم مانفع معهم روح اشترلك ماسورتين وسلسه وقفل ودورلك عامل يركبها في موقف السيارها ابرك من القايسم اللي انت دافعهاوخل صدرك وسيع

الله يعينك ويصبرك ياخوي كلمهم بشكل ودي وفهمهم مانفع معهم روح اشترلك ماسورتين وسلسه وقفل ودورلك عامل يركبها في موقف السيارها ابرك من القايسم اللي انت دافعهاوخل صدرك وسيع

خذلك علبة حديد وعبها اسمنت وحط بوسطها حديده
ونتظر حتى ينشف وتركها عند باب البيت روح داوم ورجع
ماتحصل الى موقفك فاضي اذا احد تعمد ووخر الصبه اعرف موتره ورح تفاهم معه
انا نفس وضعك والمشكله كل بيت بالحاره اقل شي ثلاث سيارات والحاره عرضها ضيق
والله سيارتين اكسنت تقفل الحاره'بالتوفيق يارب

واجهت نفس المشكلة وطبعت استكرات قوية جداً تركبها على الزجاج الأمامي وما تطلع إلا بتعب شديد

الاستكر مطبوع عليه ممنوع الوقوف لكن قبل هذا لازم تركب لوحة على الجدار (ممنوع الوقوف - موقف خاص) والي يوقف حط له ورقة وفي المرة الثانية استكر على الزجاج الجانبي يحجب المراية ويقرفه وهو طالع للدوام والمرة الثالثة على الزجاج الأمامي وصدقني الكل يتأدب وأحسن شيء في الموضوع أنه ما يقدر يشتكيك

وإذا تبغى راسلني على الخاص وأنا أرسل لك صورة الاستكر (3M)

اذا انت تعرف راعي الموتر اللي يركن قدام بيتك لاجيت ولقيته ملبق عند بابك

رح طق عليه الباب وقل ماعليش بس السيارة وخروها ، مرة ومرتين لين يمل وفي نفس الوقت كلمه قل انا والله ياجار تغربلت واكثر من مرة خذيت مخالفة بسبت كذا وكذا وانت اكيد ماترضاها علي بيقولك ايه صح وانا اسف ومدري ايش قل اجل الله لايهينك لا عاد تلبق


وان شفته يكابر ويعابط قل انا والله ماودي توصل بينا لشرطة وحساسيات لأنا في النهاية جيران وحق الجار على الجار واحرجه من هالكلام


وان شفته لبق ثانية خلك قوي وجه ازعجه كل مرة رح رن عليه الجرس وصدقني بيطفش وماعاد هوب ملبق بس يبيلها يكون بالك شوي طويل


مع انه بعضهم يستأدب من اول مرة يستحي اذا كلمته واللي ما يستحي عاد قوي العين عليه المرة الثانية لاجيت تكلمه

عزيزي بهالوقت هذا الاخلاق ماعاد لها قيمة للاسف


اذا شفته موقف قدام بيتك ولاتكلمه ولاتسوي شئ





فقط قفل عليه بسيارتك وسيارة احد تعرفه وخله زي القطو يطق على بابك ويترجاك توخر سيارتك





اذا تكرر منه هالشئ مره ثانيه سو نفس الحركه بالضبط ولاتوخر سيارتك لحد ماتجي الشرطه









صدقني الطيبة ماتنفعك مع الاشكال هذي

سبحان الله والله كأنك تتكلم عني .... عندي جيران الله يصلحهم
الظاهر عندهم عشرين ولد وكل يوم سياره توقف قدام الباب اضطريت مره
اوقف قدام بيتهم وبنشروا الكفر خلوه على الجنط حسبي الله عليهم
وكل يوم احط ورقه ولا حياة لمن تنادي
وفي الاخير هذا انا الحين ادور بيت افتك منهم ومن جيرتهم لابارك الله فيهم

خذ اعمده حديد متر ونص وثبتها بالارض وطق سلسله وقفل وانت طال  الله يعينك
 واذا  فيك استطاعه  انقل من المكان  دور لك بيت افضل  عندنا هنا ثقافة الاحترام  بالمواقف  صففرررررر
 

المواقف مشكلة في كل حارة
العمارة اللي ساكن فيها انا محد دارري عنها كل واحد يوقف على كيفه والخزان مشترك
الجيران ما يكلموهم وانا اش دخلني اتكلم لحالي يد وحده ما تصفق
انا مغسل راسي في سيارة الوالد م تتحرك كثير امسك بها موقفين اوقفها بالعرض
واخرج بسيارتي اي وقت وارجع اي وقت الموقف محجووز وبعيدا عن المشاكل ولله الحمد
الى ان ربنا يرزقنا ان شاء الله ولو بشقة تمليك بخزان مستقل وموقف خاص

ابو عبادة احييك على الفكرة الجميلة

فيه ناس يستحي منك اذا قلت لو سمحت لا توقف هنا وفيه ناس لا عبيط لكن الله يعينك مالك الا تحتط حديده وتربطهم بسلسله

تطبيق كلنا امن جربه وشوف النتيجه :)

ليش الديس لايك. فية ناس شغالة بس كذا. بالمنتدى. لازم اسب واشتم عشان عشان تعطيني لايك.

اليوم بغيت انشلّ من واحد موقف قدام الباب الالكتروني ارحمو اهلنا الباب الالكتروني لا توقف عنده

والله مشكله كبيره يا اخوانى
حياك الله ابو عباده فكره ممتازه

العالم الان الاغلب ما فيهم لا شيمه ولا حياء 
ولا تقدر تتفاهم مع الكل الافضل ماصورتين وسلسال 
ثبتها تمام ......وبالتوفيق ....
كان عندي جار ذبحني المهم واجي يوم واسكر عليه بسيارتي 
وسيارتي اخوي من الامام والخلف ...والله لطعناه واخرناه فتره ...
واول كنت اتفاهم معه واستحي من ابوه بس البزر بزر 
بعدها ما عاد شفت وجهه.....نذل 

كان عندنا جار اللي يوقف عند بيته يقفل عليه بسيارته واللي يجيه يسمه بالكلام والعين الحارة حتى صار محد يوقف وحجز الموقف بأشجار على الجوانب