كم يسوى الجراند شيروكي لاريدو 2014؟

استخدمت موديل 2005 على أيامه كان جيد بصراحة ولكن الوكيل سيء على خبري ذيك الأيام، ما ادري وش وضعه الحين

كان عندي تهريب في زيت القير ،وديته الوكالة قال كشف بس عشان اقول لك من وين التهريب 140 ريال. ويوم كشف قال عندك فيش كهرباء القير يهرب وبنصلحه واحتمال ينكسر ولو انكسر بيكلفك 3000 ريال ولو ما انكسر بيكلفك حوالي 1000 ريال. رحت وديته الصناعية ويالله يالله لقيت واحد يعرف له قال ب300 ريال، حط غراء الماني حوالين الفيش وضبط

سيارة قويه خصوصا في البر ولكن ظلمها وكيلها المتحدة من اسوء الوكلاء وكان عندنا 2000شروكي سبورت
وكانت تواجهنا مشكلتين الاولى مو اي ورشه تصلحه يخافون والثانية قطعه ووكيله

للامانه الوكيل في الرياض تحسن بشكل مميز 
والسياره حجمها ممتاز وراسيه في الخط والعزل جيد جدا
المطب فيه شوي قساوه بس السياره قريبه جدا للالماني 
وفيها مواصفات جميله والجلسه فيها ممتازه وجوده في التصنيع والبودي قوي