كم السعر الحقيقي للشيروكي رانجلر

1 3

لايمكنك التصويت حتى الحصول على 20 نقطة على الأقل
إضغط هنا للإخفاء

3zyiz 260
قبل 8 سنه و 6 شهر

السلام عليكم
يا شباب الي فاهمين بالشيروكي رانجلر .. افكر اشتري واحد ولا ادري عن استخدامه وقطع غياره 
مع اني جربت شيروكي جيب ربع موديل 92 وعجزت القا له قطع غيار خصوصا ( دقمة السلف ) تبهذلت فيها ولا لقيت حد يصلحها واخرتها رهمتها وبعته

طرا في بالي اشتري الأن رانجلر وسمعت من ناس ان صيانته بعد مملة ! الله اعلم .. كله كلام الناس في النت والي مجربين شخصين قالو لي ابعد عنه حسب تجربتهم 

زبدة الموضوع :
لقيت في هالموقع موديل 2002 يطلب فيه 30 او اكثر وموصلين السومات بالموقع 25 الى 28
ولقيت 2004 ايضا فوق 30 الف يبغا فيه راعيه
ولقيت 2008 سعره ما بين 32 الى 35
ولقيت 2010 سعره ما بين 36 الى 44 الف 

والي مطينها زود لقيت موديل 95 وطالب فيه 25 
وموديل 92 يقول سامه رجال(ن) صامل بـ 18 والحد 21

من غير الي يبي لها بوية او دفرنش او  من شكله يحتاج صيانة وتنجيد والله العالم بالي في بطنه

اذا كانت هذي اسعارها فهذا يعني المكينة قيمتها 3 الاف ريال والقير قيمته حدود 1500 والدفرنش ما يتعدى 600 ريال 
واذا كانت هذي اسعارها ايضا معناته ان قطع غيار الرانجلر ارخص من قطع الأكسنت 
هذا الي طرا في بالي من شفت الاسعار 

وش رأيكم ياجماعة ؟
حد يوضح لي هالمسألة ويوضح لي الأسعار لموديل 2000 الى 2008 .. علما اني لقيت في معرض التوازن موديل 2011 مطلوب 53 الف .. يعني ما تعوق معي ادفع 53 او 60 الف ولا ادفع 30 الف في موديل مهربد وعزمه طايح ويبي له شغل من الى  .. لأني حطيت في بالي موديل 2005 او 2006 ما يتعدى 20 الف حسب نظافته اما 30 و 35  الف !! ما هضمت السالفة  

اتمنى شوركم في الأسعار وبالنسبة للشراء بشتري من السوق ماراح اشتري من موقع حراج ! احس فيه استهبال بالأسعار

إبلاغ

الردود