كم يسوى جيب شروكي 94 وكالة من بدي ومحركات

اتمنى التوضيح يالغالي 

فيه جراند شيروكي 

فيه كلاسيك 

فيه رانجلر 

اذا كان كلاسيك هل هو غمارة او غمارتين 

حدود ١٠ الى ١٣ الف هذي اسعاره 

سعره يختلف على حسب نظافته وممشاه والتزويدات الي عليه بس 94 اقلها 10 واعلاها 20 

تعتمد على نظافته وممشاه ممكن تحصل لك واحد ب 7000 وواحد ب 15


انا توني ماخذ لي واحد 94 نفس موديلك بس قير عايدي ونظيف ماشاء الله ماشي 247 ب 15 والنقل على راعيه علي التأمين بس


وانا بيني وبينك ما انصحك تاخذه توماتيك ترى بيغثك ان نزلت به بر خفت يحتر القير وغثاه وطقته واجد او يصير ماعاد يلقم فجأة ثمن ابلش به


دور لك قير عايدي حتى لو موديل اقل 92 او عليها ترى كلهم نفس بعض من 95 الى 90 افضل الموديلات اللي مرت على الشروكي xj انا لاقي واحد في الخرج لونه ابيض بابين قير عايدي عليه جي تي وصاروخ وفلتر اعتقد هدرز ماعليه وحاده ب 12 بس مدري عن نظافته ابحث عنه وكان كذا رح له وخذه احسن من ذا توماتيك


تحياتي لك ولا تنسى تفحص لا تعتمد على كلام احد ، جرب الخفيف والثقيل وتأكد انه يشبك وشغال

بالتوفيق

الله يسعدكم
بالنسبة لسيارة شروكي العادي المصندق ماشي 200 الف قير اوتو وسعره 19 جاهز منقول

صحيح ممشاه زين بس غالي بهالسعر تاخذ لك 98 نظيف القير التوماتيك ارخص بواجد


انا اقول لك ماخذ نفسك قير عايدي ب 15 يعني ونظيف يعني المفروض حقه 14 او 13 ان ذبحته النظافة


وبعدين فحصته ؟؟؟ وش طلع معك فيه وهل فيه تهريب علبة الدركسون ؟؟؟


ونقول ان نقله ب 500 وتأمين ب 1500 مع انه اقل يعني 2000 - 19000 = 17000 اشوفها غالية حيل على 94 وتوماتيك


هذي وجهة نظري اتمنى تتقبلها واذا هو نظيف مررة وجايز لك توكل على الله ترى عايدي تفرق 1000 ولا 2000 لعيون النظافة

94   انتهى عمره وش باقيله