هل تنصحوني بجيب شروكي من97الى 2001

لا والله ما ننصحك

الشيروكي خاصه الموديل هذا للبر فقط اما استخدام يومي ما ينفع 

بالسفر ومريح وحلو ولكن استخدام داخل المدينه لو كانت مدينة كبيرة مثل الرياض وغيرها ما ينفع

لكن مدينة صغيره مثل القصيم مثلا ينفع عادي لانه مافيه زحمة ولا تستهلك السياره

ماينفع استخدام يومي بيغثك مني انا أولاً انه قديم وثانيا الشروكي الموديل هذا خذ قوة على الطعس خذ طرب تقول معدل ماشاء الله من قوته على الطعس لكنه غثيث

انا ناوي بعد فترة باخذ لي واحد بس بيكون موتر ثاني لازم موتر رئيسي للبلد الشروكي ماينفع لحاله


بالتوفيق

تعال الصيف تحصل المدينه مافيها ولا شروكي واحد  لكن بوقت الشتاء البرد تشوف شروكيات تطلع لك من كل مكان مادري من وين تطلع 

والله ياخوي انه كفو الشروكي. انا كان معي واحد مديل 91

ماشاء الله تبارك الله أخذته من السفارة يوم يحرجون عليه
قسم بالله ماندمت يوم اخته. برر. وخط وكرف 
ماحيطت فيه الا طربنه بنزيم المكينه الحمدلله شد بلد
مافك منها مسمار. قعدي معي ٧ سنوات وانا كل سته ايام 
اضرب خط ٢٠٠ كيلو. يعني ٤٠٠ رائح جاي. وهذا زينه معي
حتى لدرجه اذا حقين الشركات يسوون ابراج في الجبال 
اروح عندهم اطلع الجبل بدون دبل واتفرج وبعدين انزل 
بس قدر الله وصار علي حادث به. وللحين عندي مصدوم 
بس صراحه موتر مايحتاااااج. لأكن الحمدلله على قضاء الله 

وانا انصحك فيه 

اللي اتذكره انهم يمدحون الموديلات القديمه 91 -93     يقولون كويلاتها كهرب  او شي زي كذا بعكس موديلات 2000 

ايضاً انا داخل راسي الجراند شروكي 2004