أيش مشاكل جراند شيروكي؟

حسن كتبي عمل له تجربه 2014
يقول انه عنده واحد وراح ركبله فتحه فالكبوت عشان مشكلة الحراره لان الشاص حق مرسيدس والمكينه كبيره فماتعطي مجال للتبريد

واثناء تجربته يقول شوفو كيف حرارة القير ارتفعت بسرعه !!

وينصح اللي يشتريه يركب له فتحه فالكبوت عشان التهويه على المكينه او يعدل فنظام تبريده  
وطول تجربته يتكلم عن نظام تبريد القير والمكينه !!
وفي الاخير يمدح فيه 

بينما عند تجربته للجيوب اليابانيه مستحيل يتكلم عن الحراره ابدا
ايش معنى فالجراند شيروكي تكلم عن موضوع الحراره

هذا يعني ان السياره مشكلتها فالحراره لازالت موجوده
السياره ماتنفع لاجوائنا
وهذا رابط لتجربته
https://www.youtube.com/watch?v=ndtCYtlPE44

اعتقد اللي يواظب على الصيانه المذكوره في دليل المالك ويغير القطع الاستهلاكية والماء والزيوت حسب المسافة والموصفات المذكوره في الدليل انه مارح يبيع السياره 

جميع الامريكي واسع  يطرب بالخط ( اتكلم عن الصناعة الامريكيه داخل امريكا ) وراحه بس مشاكل مع الحراره ويعلمك كل شي بالصناعيه
اما الياباني عملي ولا يعرف حرارة بس العيب عدم الراحه والضيق بالمركب وتنسا الصناعيه وغثاها

معي جراند شيروكي ٢٠١٣ وكالة وماشاء الله تبارك الله مافي اي مشكلة لا حرارة ولا غيرة وبالنسبة لي الوكيل افضل من غيره لان عندي هوندا كمان ٢٠١٣ بس وكيلها تعبان بصراحة وتكلفة الصيانة الدورية للهوندا ضعف تكلفة الجراند شيروكي و خذ مثال : صيانة الـ ٢٠ الف تكلف ٤٥٠ ريال للجراند شيروكي (اللي معي فل كامل هيمي) بينما الهوندا سيفيك صيانتها تكلف ٨٥٠ ريال.
كمان الصيانة الدورية عند المتحدة ما تاخذ ساعتين بالكثير وبدون مواعيد، اما هوندا تقريبا يوم ولازم موعد.
من جهة ثانية تبريد المقاعد موجود على الفل كامل.
حتى الحرارة بالشيروكي بعز الصيف والظهر بين الربع وفوق الربع بشوي، أما بالشتاء قبل النص بشوي.

هذا بناء على تجربتي الشخصية >> لا يقولون ولا غيره.

كيف شيروكي 2013 والحرارة تلعب فوق تحت .. مو المفروض ثابته ؟؟؟ ولا شايل البلف وهي 2013 ..
انا ما اذم الشيروكي اصلا هو من ضمن السيارات اللي افكر فيها لو ضمنت اعتماديته
بس مجرد استغراب ؟..

لا والله وانا اخوك لا شلت بلف ولا اعرفله اساسا، لكن نقلت لكم تجربتي بكل امانة وان حبيت تتأكد تفضل عندي جرب وشف بعينك.

انا اشوف اني احط فلوسي بصراحه في موتر يجمل وحق كرف اما موتر بعد سنه يرتفع حرارته والا كل شوي وانا في الصناعيه اغير له قطعه قلعته الراحه الحقيقيه انك تطلع بااهلك عند الباب وضامن بعد الله ان سيارتك تجملك في مشوارك انا مجرب مرسيدس الله يلعنه ومجرب فولفو الله يلعنه ومجرب اودي الله يحرقه ورجعت شريت اف جي وخدمني ٥ سنوات وبعته بقيمه طيبه وشريت برادو بصراحه سياره تريحك الشي الي تغيره فيها اقمشه وسيور وزيوت ودق سلف وساااااافر الي يبي يريح نفسه من وجع الراس يشوف له سياره منتشره بالسوق ومعروف الفك والتركيب فيها الاودي مالقيت البطاريه اثرها في الشنطه والشركه اخذت علي ٣٠٠٠ ريال صيانه مشتريها ب ١٣٨ وبايعها ب ٥١ وكذلك السيارات الباقيه زباله اعزكم الله سيارات اقل من سنه 

حرارة الأمريكي دايم تطلع إلى النصف وتنزل وهذا لأن العداد يعطيك القراءة الصحيحة في الجيب أو غيرة في السيارات الأمريكية وإذا تعداء النصف بخطين فهذا دليل على وجود خلل أما إذا وصل إلى النصف ورجع فهذا طبيعي بينما في السيارات اليابانية والكورية فتجد الحرارة ثابتة على الربع أو النصف وفي حالة وجود خلل يرتفع العداد إلى الأخير دون سابق إنذار

ثبوت العداد ليس علامة علا ثبوت الحرارة ثبوت العداد لان بعض الشركات تضع نظام يثبت العداد مدام الحرارة تطلع وتنزل في حدود الطبيعي من باب الراحة النفسية لكن لو ارتفعت الحرارة سبب خلل فيصل العداد للاخير فجأة