كم يسوى الرانجلر92

اذا انت تبيه استخدام يومي ما أنصحك نهائياً 
انا مجرب اخوه 2001 طلع براسي نخل من الاعطال كلتشات دفرنس + مشاكل كهرب مالها اول ولا تالي + حرارة فما بالك بالـ 92 بعد والله ان يخاشرك في راتبك  

هذا يصلح موتر تخليه حق تفجير بالنفود و عساك تصبر على اعطاله بعد 

لكن يالغالي انا باخذه نظيف ونا ماني حق تفحيط وتفجير وستخدامي من الدوام للبيت بس وباخذ قير تماتيك لكن الي سمعته يقولون القديم قوي حتى الصناعيات

شف يالغالي انا اللي اخذته كان ظاهره نظيف ممشاه 120 الف وفحصته عند مركز فحص وتبين لي انه سليم و اللي اغراني ان اسعارها رخيصه و كنت محتد عليه ابي جيب
شريته بـ18 ماكمل معي 7 شهور الا وانا بايعه بخساره .. ليش ؟ لأنه هبل بي 

نفضته صيانه من الى ميكانيكا + عضلات لأني ناوي استعمال وانا رجال راعي كشتات لذلك ابي موتر اعتمد عليه لكن كثر ماتحط فيه مايبين عليه ,, يحب يمرمط راعيه الله لا يعيده

لهدرجه ي جماعه الموتر فاشل معنا رحت للشركة نفسها قالوا ممتازه ورحت للصناعيات ونفس الشيء 
والله احترت انا متولع بها المشكله ذا الي مخليني متمسك بها

ارق سود يالغالي،،،،
انا معك انه خرابات بس انا الي فهمته انا القديمات النظيفات زي العسل معنا انت ماخذه يعتبر جديد وهبل بك كذا اتوقع القديم يمكن يكون اسوء

هذا حده 4000-5000 ريال ولايتعداها باي حال من الاحوال


ميزة هذا الموديل قطع رخيص وقليل مشاكل ّّ..على عكس موديلات 97-2009

يالغالي انا والله حدي لاكثرت ١٧الف
ونا ماني راعي بر وكرف انا السعره٧٠ماتعداها ولله الحمد
والباترول غالي اسعاره من ٣٠وصاعد

ونا معكم ي جماعة الخير انه خرابات لكن تبين لي من القديمات اقوا ويترهمم لهم قطع
والمصيبه الي تخلي الدفرنس يخبط الكفارات الي يحطونها الشباب هو مسموح له مذري كم والله من وزن الكفرات ان كبرتهم بتسبب بكسر القير والدفرنس
والله اعلم اعتذر لاني اعاند شوي لاني متولع به حيل حيل 

ياخوي الشباب نصحوك وما قصروا وهذي اول سيارة لك ولا عندك غير 17 الف وتشتري سيارة تغثك يارجال لو مثل ما قالولك الورش والوكالة انه ممتاز كان تلقاه منتشر مثله مثل الباترول هذا وجوده نادر يمكن بالسنة تشوفلك واحد 

انشهد والله اجل خلاص خله يولي ماتخبرون لي على قولت الغالي باترول 98
كويس لان انا من عشاق الجيوب لكن بعبر نفسي هالسنه وبفتح وكاله ان شاء الله 

الرانجلر والشروكي هاذي مايحتاج مقطعها انا القديمة اقصد ، الله حق ماشريتها وامتلكتها لكن اغلب عيال خالتي الخ ... يمتلكونها اللي شرا شروكي واللي رانجلر 94 ثمن 96 وجميع انواع الشروكيات مرت عليهم و24 ساعة انا معهم وعارف مواترهم زين مازين


يعني سؤال لك يا الاخ عبدالرحمن تقدر تقول لي ليش بتشتري رانجلر ؟؟؟ انت منتاب راعي بران ولا راعي نفود وشوله ماخذ جيب موديل 92 والغالب الجيوب كلها مستهلكة ومكروفة اقل واحد فيهم تلقاه فيه شنبر ولا مكربن ولا يبيه صوفة وطواعين وخساير مالها أول من تالي


يعني اللي بياخذ الرانجلر ولا الشروكي اكيد نسبة كبيرة يكون معه موتر ثاني ومرتاح مادياً وهذا مخليه للطلعات لأنه لو خرب ماعنده يصفق به وموتره عنده او يبيعه بخرابه وهذا الحاصل في الغالب

وثانيا لاتنسى ان الموتر لو مهما كانت نظافته الا ان الزمن يهده يعني ممكن ساعات تطلع بعض الخرابات والسبة المدة الطويلة هذي في تاريخ تصنيع السيارة


يعني بمبلغك هذا ممكن تاخذ لك سيارة موديل 2010 وعليها اكسنت ولا الالنترا ولا صني وش حليلها تداوم عليها ومرتاح ومكيف بارد وشكل جديد مع الناس



يعني انت هل تتوقع ان الرانجلر بيكون مكيفه ثلج وحرارته مستقرة في درجة حرارة 50 وفي زحمات وشبه يومي تداوم عليه بدون مشاكل ؟؟؟ الجوووواب مستحيل


بالتوفيق

طيب في الشيروكي تلقاه احدث وارخص يعني ٢٠٠٠ و ٢٠٠١ ، بس ماعندي علم عن مشاكله وقطعه