سؤال بخصوص جراند شروكي 2005 هيمي

نصيحه لا تقرب من هالشركه بالمره 
مجرب ولسة متفلسف
وللمعلوميه الى الآن مجرب واحاول الخلاص في اقرب وقت

كان عندي واحد 2004 بعته ب 14000 مشكلته الحراره وقطع غياره مو مره غاليه بجده تحصل الورش حقته في بني مالك انصحك تبعد عنه مو مناسب وقليل اللي يفهم فيه 

مكان سكنك واستخدامك يحدد
ساكن بجده مثلا ما تحتاجه 30 الف تحصل افضل منه
حايل او القصيم مثلا ديرة بر وطلعات ولا فيه زحمة تخاف من الحراره
بيكون خيار جدا مناسب لانك بتستخدمة بالبر و سعره مناسب

وفقكم الله جميعا سكني ابها والسياره لاقيها في الرياض مع مهندس مصري ومسويله اعلان في حراج

معليش وش عليك منه مهندس او سربوت ما بتناسبة انت
يمكن مهندس ودلخ ما يعرف يستخدم السياره ما عليك من وظيفته او جنسيته
وابها منطقه بارده حتى بالصيف ما بتخاف من حراره فيها
ولكن بنفس الوقت ما اعتقد بتحتاج سياره مثل الشيروكي فيها ما بتطلع بر ولا شيء 

هههههههههههههههههه
ياخي ماهو القصد باناسبه القصد انه عاقل ماهو ورع حق تفحيط وقومات وكذا يعني وبالنسبه لابها فاحتاجه لطلعات البحر وطبيعه الخطوط حفر ومطبات والجيب سعره مناسب بالنسبه لي كمبلغ لانه هذي حدودي وماراح احصل جيب نظيف بذالسعر

صحيح ما بتحصل جيب بالسعر هذا ولكن فيه عندك فورد اكسبديشن 30 الف يجيب لك 2005 نظيف
يخدم اكثر من الجيب وواسع اكثر ولا منه خوف حتى عند البيع مرغوب اكثر

بالنسبة تقول ماهو ورع حق تفحيط ترى احيانا تشد على السياره ورجلك حاره عليها ولكن بطريقة صحيحه
افضل من استخدام شايب ما يعرف يتعامل مع السياره يوقفها على القير بدون جلنط مثلا هذا ابسط مثال

تسلم ياخوك وبيض الله وجهك

ما اقولك الجيب فيه مشاكل خصوصا بأبها منطقه بارده ما تخاف من الحراره
والشيروكي مافيه حراره بشكل عام اصلا ولكن الناس اللي تدعس له كثير بمنطقه حاره مثل الرياض وجده بالصيف
وزحمة ووقفات ولا يشيك على موية ولا مراوح هم اللي يشتكون
لو السياره فيها مشاكل حراره كان امداها كلها خبطت ما كان عاشت السنوات هذي كلها
ولكن لو انك راعي عائلة الاكسبديشن افضل
لو ما تحتاج سياره كبيرة الشيروكي حلو بالنسبة لك

الله يرحم والديك كلامك جميل وسامحني ازعجتك معي الله يجمل حالك

تبغى نصيحتي ياخوك بما انك هواي 4×4 دفرنسين قوة وشكل شوفلك رانجلر فيه باب وفيه ربع شوف ايش الي تميل له سيارات معتمده لدى الحكومة الأمريكية واستخداماتها في الجيش والأعمال الشاقة ..
واستخير ربك والله يكتب لك الخير 

انا مثلك كنت حاطه برأسي خصوصا هالموديل لانه حول حدودي بس شفت كلام الناس عنه و قلت اتركه و احترت بين كابرس و شفروليه كابتيفا انا ودي بموتر رفيع و الكابتيفا ما راح يكون أسوأ من الاوبترا اللي معي و حتى الكابرس 

جيوب الهونداي و الكيا الشكل القديم لا شكل ولا مواصفات و مطيرين اسعارها 

لدرجة فكرت اطلع للامارات اجيب لي من جيوبهم اسعارها رخيصة و كلها بطاقة سكانية و ادخله بلوحات دبي 

انا معي واحد 2008 وفي ابها وضرب علي راس المكينه من الحراره انصحك نصيحة اخ بعد منه
والدليل مر الوكاله وشف السيارات الي محذفه عندها قالبه تشليح مو وكاله 


لا تسير مثلي عبيط كلن نصحني منه وعييت إلا بعياتي

اذا تبي نصيحه شف اللكزس r x جميل وحول هالسعر

نصيحتي لا تاخذه

قسم بالله اني امس بقراند شيروكي اتوقع 2004 او 5

المهم انه وقف علينا بتركي الاول فجاه كل دقيقتين السيارة تطفي من نفسها و البريك ما يشتغل و و الدركسون ما يلف

و ازيدك الجلنط خربان يبيله شد امس لو انك معني كان كرهت شركت جيب كلها بغينا نسوي 4 حوادث

وحده فورد و 2 بي ام و وحدة مرسيدس 2014

ههههههههههههه الله يعينك و انصحك ابعد عنه امس ليلة مرعبه