محتار بجراند شروكي 13 أو 14 ؟

كل مازاد عدد النمر كل مازاجت الكلتشات وتعقد القير وصار في الصيانة اصعب
والعكس صحيح
الفيكتوريا والماركيز واللينكون قيرها 4 نمر

تاخذه تشليح او توضب او تصلحه ماكلفك شي والكل يعرفله ماتخاف منه ابد

لكن ابو 8 نمر بتزيد حساسيته اكثر لكن بيكون من صالح الموتر يريح على المكينه واقتصادي
وعلى العموم اصلا الشروكي بشكل عام سيارات حساسه وصيانتها غاليه

بخصوص المديلات 13 و 14 ونوع قيرها هذي اسئل الوكيل فيها وشوف الاسعار
اذا 14 ماتغير بشكل جذري اشوف انك تاخذه حتى لو القير صار 8 نمر لانهم بيكونون حلو عيوب التصنيع في المديلات الاسبقه
وهذي معروفه فكل السيارات
مثلا الالنترا مديل 14 الدفعه الثانيه و15 عدلو العيوب اللي فيها مثل فتحات التكييف وغيره

اما اذا الشكل تغير بشكل جذري
فخذ مديل 13 لانه بيكون عليه تخفيض وانت عارف او دفعه من الشكل الجديد بيكون فيها بعض العيوب وانت وحظك

وبالتوفيق

موديل 2014افضل من موديل 2013 في الشكل والقير والمواصفات لكن قريب بينزل موديل 2015

ل عام وانتم بخير

اللي اعرفه ان العلاقة عكسية عدد النمر يزيد تقل الصرفية وهذا سبب الغلاء

والصيانة مع مرورو الوقت بكون هالقير هو الاكثر انتشاربسبب البحث عن التوفير

نسيت اقولك
هالقير صناعه المانيه بحت يطلق عليه اسم ZF 

أشكركم ع التوضيح 
وصلت المعلومة وبالحقيقة تمنيت أقيمكم لايك 
بس ماعندي القدرة وما أدري وش جوهم اللي 
يقيمون بالسالب .. 

واذا أحد حاب يشارك الرأي للإفادة لي ولغيري 
الله يعطيه العافية 

اخوي 14 افضل بمراحل بالنسبة لي
واعرف واحد معه 13 وجرب 14 يقول ماهنا ذاك الفرق لكنه افضل 

قبل فترة اخذت تجربة سيارة من المتحدة وسولفت مه المندوب على القيور قلي 2014 حلو اغلب مشاكل القير السابق 
هذا بفرع اوتومول جدة

من تجربه ، انصحك فيه لكنه حساس ترا بس بترتاح من صرفية البنزين وبتريح المكينة معك

^ قصدي القير 8 نمر ^_*

القير الجديد عندي افضل  لانه اريح للسيارة واقل صرفية وهذا الاهم