أضف سؤال أو موضوع جديد          

اسعار قطع الغيار للشروكي وتجربتي معها

up 14 down 6
ابوفاطمة العقاري 94
قبل 5 سنه و 3 شهر



السلام عليكم ورحمة الله وبركاته

اللهم صل وسلم على اشرف الخلق محمد 



من زمان نفسي في جراند شروكي واهواه واذا شفته بالشارع كأني عنتر شاهد ليلى في منامه 
او كأني اشوف مشهد رومنسي 


وتعلقت فية وكل ما فتحت موضوعة مع احد مايصلح قطعه غاليه 
وخرابته كثير  ا وا وا من ذالكلام الي يسد النفس.
المهم مالكم فالطويلة الحمد لله وتحقق مناي واخذت واحد 2008 نضيف جدآ وجميل وحبيته
غيرت الاقمشه من الوكاله ب200 والبواجي ب100 وشيكت عليه تشييك كامل
واحترق علي السلف اول ما احترق حطيت في بالي على كلام الناس ان قطعة غالية يمكن تكون من 2000 إلى 2500
وانا رايح للوكالة اقول يا رب تكون حول الالف سألتهم عنها طلعت المفاجأة انه ب300 ريال فقط بثلاثمية بس 
وين الغلا فيه ابي اعرفارخص من تيوتا ولا تقارن بتيوتا بذات الاعوام الاخيره


وفي النهاية يا شباب خربت علي طرمبة الزيت الداخلية بالمكينة وجيمت المكينة وكل شي تسكر بوجهي وقدة اتحلطم واقول ليتنيي سمعت ملام الناس هالحين وش اسوي 

رحت الوكاله وكلهم احتضنوني وقامو يعزوني في مصيبتي سألت بكم المكينة قالو يمكن تكلفك 25000 تهي تهي تهي 
خرجت والدنيا مقفلة في وجهي وابحث في حبيب قلبي حراج والمفاجأه الاولى حصلت مكينه ب4000 ما صدقت قلت خلاص ارسلها وبعدين قال لا مكينة سيارتك رأسين غالية ب7500

المهم قلت الرجال شكله حس اني منحد عليه وقال خلني استغلة 
تركته ورحت ادور من جديد والله طيحني بواحد بالقصيم وقال صح مكينتك رأسين وهي عندي 6000 ريال قل بعد غاليه مني ومنه ألى 5000 مكاين يجيبها من امريكا استوكات ونظيفه 

حولت له المبلغ وهو ارسلها لمدينتي

بالله ارجعوا لجميع القطع الي ذكرتها وقارنوها بباقي الوكالات وعلموني وين الغلا في 

نسيت اقلكم سألته عن القير مو جود قال ايه ب 2500

شي جميل جدآ لأنها بصراحة ما تقارن بأي سياره من فئتها مثل الاكسبلورر والأيدج والبرادو وافخم واجمل واقوا منهم كلهم والعجيب ارخص منهم كلهم 



اتمنى اكون افدتكم غي اول موضوع لي وشكرآ








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


طيب وش رأيك في
الجيب srt8 2009 
هل عملي ويتحمل الكرف او لا ؟


up 0 down 0
modzzz
قبل 2 سنه و 2 شهر



انا صاحب جراند شيروكي 2007 وكاله اخذ 6 سنوات ورده لكن كل تشييكاتي وكاله ..يوم خفت الميزانيه رحت اصلح ورش وعقبها طاح الموتر وكل فتره خراب بجهه ..نصيحه اذا احد عنده القدرة على الشييكات والاصلاح وكاله يشتري ولا يهمه احد ..اذا تفكره زي التويوتا او النيسان لاتمر ماركة جيب ابدا...الموتر إستخدام ولا اروع خط وبر والي تبي لكن بالسعوديه مع الحراره العاليه مايعيش ..يبغاله سياره بديله تسانده ..مو كل مشوار تشغل وتمشي ...تحياتي لملاك الشيروكي وللجميع


up 0 down 0
عطاف003
قبل سنه و 11 شهر