أضف سؤال أو موضوع جديد          

موضوع مهم اذا احد يقدريفيدني في فتح ورشة ميكانيكا

up 5 down 9
mr.ema112 -45
قبل 5 سنه



السلام عليكم ورحمة الله وبركاته كيفك ياحلوين اناعندي استفسار عن ورش الميكانيكا اناعندي رخصه حق ميكانيكا وكهرباء وسمكره من عام 1424 وانامازاول المهنه ولاعندي شهاده وراميها بالدولاب ماستفدت منها الرخصه على النظام القديم يعني تنقلها باسمك بدون مايكون معك شهادة خبره اودوره في المعهد المهم انافي اردني اعرفه ميكانيكا ممتاز شغيل له25سنه هنا وسمعته ماشفنا منه شي اخوي يتعامل معاه انامادري عنه انا موتري جديد الحمدلله مااحتاج للورش الرجال كلمني ويبغاني انقله على كفالتي وهو يتحمل كل شي اجاروكهرباء ومصاريف للورشه مالي دخل بشي واعطاني مبلغ بالشهر بس انامادري هل هو مناسب ولاقليل عشان كذا كم المبلغ المناسب اخذه منه لان في ورش شغاله ممكن تطلع 20الف بالشهر وبعضها اكثر وبعضها قليل من10 وهو ماراح يعطيك كم يجيب بالشهر بالضبط اكيد بيقول اقل احترت كم اقوله واذااحد له خبره في الورش يفيدني ومايهمكم لكم خصم بالمنتدى خاص بس بعد ماشوف شغله واتاكد منه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اول اسال اذا الفلوس الي ناوي تاخذها منه حلال او حرام  
هذا في نظري هو استغلال حاجه الغير  
كانه رجال  كفو فانقل كفالته على اسمك ولاتاخذ منه شي لاشهريا ولاغيرة   وغير هذا انت رجال حالتك كويسه معك سياره جديده يعني ماتحتاج دراهم مشبوهه 


up 4 down 6
حسوف -54
قبل 5 سنه



^^^^^^

كلام سليم ودي تشوف حكمها وش قبل لاتفكر بالارباح

انا عارف ان نيتك انك تبي تكفله وهو يجيب لك ربح

بس صدقني اسئل عن حكمها اذا هي حلال فتوكل على الله

لان لو كانت حرام وجتك ارباح والله ماتتهنى بالريال وكل يوم تطلع مصيبه

ولاتشتري لولدك سياره ويصدم بها وتفقده ولااي شيء من امور الدنيا

فااذا كان الامر فيه شبهه بالمال اللي تكسبه فاابتعد عنه والله يرزقك افضل منه

الخيار لك

من باب النصيحه من اخ لخوه

موفق يالغالي




up 4 down 0
amear 1339
قبل 5 سنه



صحيح كلامكم 100% لكن اناحسب علمي انو العامل اذا اشتغل عندك تعطيه راتب واذا كان محل صنايعيه ورش حداده الى اخره اذا العامل مايبغى يشتغل بالراتب طلب من الكفيل انويدير المحل بنفسه والكفيل ماله علاقه يتقاسم الربح ثلث للكفيل وثلث للعامل وثلث للورشه يطلع منها مصاريفها راح يكون دخله اكثر من فيما اشتغل عند الكفيل بالراتب وكمان راضي ولاهو مغبون في نظام البلد عندنا الاجنبي مايتملك محلات فيدخل شراكه مع السعودي عليه الاسم والاخر المحل وهذي نوع من الشراكه موجوده بين السعودين بتراضي بينهم وكمان الاجانب الي بوصله انو اذا شراكة السعودي مع الاجنبي بالطريقه هذي محرمه موالاولى انويتم تحريم نظام الكفاله من اصله؟؟؟؟ يعني هذا شي مجبر عليه الاجنبي واذابيشتغل ماراح يحصل الا هذي الطريقه يعني اجباري زي التامين بالضبط موحرموه الشيوخ ولكن قالو هذا نظام بالبلد واجباري يعني ماعليك شي ان شاءالله اثم النقطه الاخيره ارجو عدم سواء الفهم انا مافكرة اواستغليت وضعه ابدا ابدا لني بخير الحمدلله ماجابي بالي هذالشي والله العالم لكن من باب المصلحه الواحد يعرف الي له والي عليه صح ولا لا؟؟ وغير كذا اناماطلبة اواجبرة احد هوالشخص برضاه موافق وجا لحدك واعطاك عرضه !! بالاخير هي لازم اسال عنها وشوف حكمها لكن انامن نظري العامل لما يجي للكفيل يشتغل براتب والكفيل عليه كل شي ممكن يصير العكس العامل يتحمل المحل ويعطي زي الراتب للكفيل يعني الكفيل شغال عند العامل هههههههههههههههههههههههههه


up 1 down 1
mr.ema112 -45
قبل 5 سنه



في حاجه بقولها على نقل الكفاله احنا كان عندنا عامل له 15سنه اشتغل عندنا 3سنوات وبعدين راح برى اشتغل وكان برضى الوالد الله يطول بعمره فيه طيبه لابعد حد ولاياخذ منه ريال واحد في الشهر يشتغل زي السعودي بدون مضايقات وكنا الرجل يعزالوالد والله كان يقولي والدك لواشيله على ظهري ماوفيت جميله والان جا اشتغل عندي اسبوع قاعد ارتب محل قطع غيار شريته الحمدلله وبشغله فيه لانه امين جدا


up 0 down 1
mr.ema112 -45
قبل 5 سنه



السلام عليكم ورحمه الله وبركاته
لن اطيل عليكم
ولكن كثر في موقعنا المبارك تردد بيع منحه وتطبقها في الشهور القادمه وكلام كثير ولكن خلاصه الموضوع
ان هذي كذبه وضحكه وطريقه لاستغلال المال ولو هو صادق كان صبر لين تطلع الارض ويبيعها بدبل واكثر
ولكن هذي مجموعه نصابين وحراميه ياخذونك بالكلام المعسول والكمبيلات والشيكات لكي تطمن وبعد ست شهور تروح تصرف الشيك وقد انتهى وقته
او تقدم شكوى قبل الست شهور وتقعد في شيل وحط 
زي ماهو صاير معي الان لي سنه ونص اطالب بمبلغ 120 الف وشيكات وعقود وووو وطلع الكلام كله وهمي ورحت لهيئه التحقيق والادعاء العام وقال هذي كذبه ولعبه على الناس وضعاف النفوس استغلو حب الناس للاستثمار بمبالغ بسيطه في الاراضي وياكثر القضايا عندنا بدائره المال بخصوص اصحاب المنح وللمعلوميه الشيك مجرد انك تاخذه ضمان فهذي تعتبر جنايه عليك وتتحاكم بها وتغرم من وزاره التجاره
وللمعلوميه هذي اسمها بيع غيبه ولاتجوز ولكن وقع الفاس في الراس وهذا كل يوم اوكل واحد يراجع والا يشوف لي موضوعها لان يبغاله واحد فاضي ويتكي لهم
لذلك احذر واحذر واحذر منهم 




واعتذر على الاطاله ومن اراد التاكد من صحه كلامي عندي مايثبت من المحكمه والادعاء العام والاوراق بخصوص هذا الموضوع لكي يطمان قلبه مافيه شي اسمه تشتري منحه لم تطبق على ارض الواقع




والسلام عليكم


up 3 down 0



ربي يوفقك في ورشتك ويرزقك خير ان شاء الله 

لو تسمع مني اقتراحي وان شاء الله فيه الخير والبركة 

اول شي انكم تتفقوا تكونوا شركاء في الورشة بنسبة يتفق عليها الطرفين وتجيب محاسب يمسك حسابات الورشة وفاهم شغله وطبعا ياخذ راتب 

مو عشان اني اشك في مكفولك وان شاء الله بيطلع أمين وما بياكلك بس لازم المحاسبة 

وتعملوا مستخلص شهري بالأعمال اللي صارت نهاية كل شهر وتطلعوا المصاريف والربح وكل واحد ياخذ نسبته بما يرضي الله 

واللي يطلع لك ربي يبارك لك فيه ان شاء الله 

ولا تنسوني من دعائكم 


up 0 down 0
masaaaaaa 118
قبل 5 سنه



امين ويرزقك طولة العمروالبركه اناغيرت نظري عن الطريقه السابقه لانها فيها شبهه اكيد في مخرج ينفع الطرفين طيب اذاكان الكفيل لايزاول المهنه موصنايعي كيف يتم الاتفاق بينه العامل الاجنبي ومع اني مااحب اقولها لانهم عرب وليس اجانب المهم كيف يكون الاتفاق بيني وبينه وشوي بالتفصيل اذاسمحتم واهم شي الحكم الشرعي وجزاكم الله خير


up 0 down 0
mr.ema112 -45
قبل 5 سنه



على اي اساس تاخذ منه فلوس انت دفعت شي من جيبك؟؟ الشراكه يعني في شراكه في الربح والخساره ماهو في الربح بس
راجع نفسك واسال احسن
تحياتي


up 0 down 0
polite_99
قبل 5 سنه



انت انسان بهيم ماتفهم واسلوب زي وجهك اناسالة سؤال لني مادري عن الطريقه السابقه حكمها وذكرت في اخر رد اني صرفة نظر عن الفكره ويمكن اشوف حل اخر اظن واضح كلامي


up 0 down 0
mr.ema112 -45
قبل 5 سنه



انت انسان بهيم ماتفهم واسلوب زي وجهك اناسالة سؤال لني مادري عن الطريقه السابقه حكمها وذكرت في اخر رد اني صرفة نظر عن الفكره ويمكن اشوف حل اخر اظن واضح كلامي


up 0 down 0
mr.ema112 -45
قبل 5 سنه