سؤال للي عنده قراند شيروكي 8 سلندر او عنده خلفيه عن السؤال

يا اخوي اسمه عداد دورات الماكينه مو عداد ضغط الهواء 
وعلي سؤالك ١٢٠ علي كم يكون يا طويل العمر يكون علي 
٢٥٠٠ الي ٣٠٠٠ دوره  طبعا بكل السيارات يكون كذا
واتمني أني افدتك 
تحياتي

اخوي الغالي فوكس 3000 دورة بالاربع سلندر تمشي 150 الى 160 اذا كانت مريحة بالنمره الاخيرة .. شلون لو كان 8 سلندر

اعتقد عداد الدوران من 1.5 الى 2 مجرد توقع

هلا يا بعدي يا ابو ناصر لا وانا اخوك متأكد من كلامي وعن تجربه 
لان كان عندي موتر ٦ سليندر وكان عداده السرعه عطلان من ساعة 
السرعه اللي بالقير وما حصلت الساعه هذي وكنت اخلي الضغط عند 
٢٥٠٠ او ٣٠٠٠ خاصة عند الكاميرات والرادار وبيني وبينك انا ما كتبت 
الرد الاول الا وانا مجرب لأني امشي بالسياره علي طريق سفر وصحيح كلامك 
ترا علي تبديلات القير وما تشوف السيارات القير اتوماتيك ٥ غيار و٦ غيار ترتاح 
اكثر من ٣ و ٤ غيار وخاصة علي طريق السفر .
تحياتي 

يعتمد على عدد تبديلات القير وعدد سرندلات المكينة فكلما زاد عدد سرعات القير وعدد السرندلات تقل عدد دورات المكينة واذا قلت سرعات القير وقلت عدد سرندلات المكينة زادت دورات المكينة

الله يعطيكم الف عافيه يالغاليين 

على الإفادة 

ولكم أحلى لايك