اعراض خراب الكمبيوتر او الظفيرة ..

وعليكم السلام ورحمة الله وبركاته

اول اعراضها اللعب بالكهرباء

تركب زينون ابو 150 ريال ومبسوط 

او شاشات بالسياره او اي شي بالكهرباء 

لكن سياره سليمه ما تلعب فيها ما يجيها شي الظفيره ولا الكهرباء ابدا

حتى السياره المأمنه تأمين كامل عليها ومن ضمنها السرقه او الحرائق

لو حصل حريق بالسياره وكنت مركب اي اضافات بالسياره

زينون او شاشات او غيرها يلغى التأمين ولا تتعوض

عليكم السلام نصيحتي لا تلعب في كهرباء السيارة خاصه الي فيها اجهزه كمبيوتر كثيرة وحساسات من تركيب اجهزة زنون وساوند سستم ولمبات شرايح وكذا تعرف انه عندي شفروليه كورفيت وفيه 7 اجهزة كمبيوتر

يا جماعه الرجال قصده ضفيرة الماكينه مو ضفيرة السياره ما كل 
انا اقولك يا اخوي اول السياره تدق سلف طبيعي وما تشتغل 
ليت السيكيورتي الأحمر طافي مو شغال 
وعندك تفحص الكلبس اللي راكب علي الكويل بلمبة الفحص وافحص الكلبس حق البخاخ 
وكلبس طرمبة البنزين واذا فحصتهم وما فيهم كهرباء اعتبر الخلل من الكمبيوتر والكهربائي 
الشاطر يقدر يفك الكمبيوتر ويفحص الترانستورات اذا فيهم ريحت حرق كهرباء هذا معناها 
ان في اللتماس بضفيرة البخاخ والكويلات واذا ما فيه ريحت حرق معناها الكمبيوتر عطاك عمره 
هذا طبعا الفحص اليدوي اما الفحص الكمبيوتر يقدر يطلعه لك بسرعه بس شرط خبرة الفاحص 
او مستعمل جهاز الفحص ومعرفته بكودات الأعطال من الشركه المصنعه للسياره 
وحبيت أضيف وأنبه علي الاخوان مو كل واحد شال جهاز الفحص قال انا فاحص واعرف افحص 
لان فيه كودات أعطال وفيه برامج سوفت وير تنزل ولها تحديث دائم 
واتمني أني قدرت أوصل معلومه
تحياتي 
  

يازين الشي لاصار وكاله كله بدون اي تغيير
والله اني حتى الجنط ما اغيره احب اي شي وكاله 
عمر الترهيم مايصير مثل الشركه الام 

الطفيرة تختلف عن الكمبيوتر

الظفيرة موصلة الكهرباء لجميع اجزاء السيارة مثل الكابينة والكمبيوتر هي اللي يعطي اوامر لأجزاء السيارة اذا صار خلل في الكمبيوتر تلاحظ ال ار بي ام يلعب وتطفي السيارة او ضعف في عزم السيارة او بالأحرى ثقيلة في المشي و احياناً تلاقي نتعة في تعاشيق القيرخصوصاً السرعات العادية واحيانا بدون تعاشيق ، او يمكن يعطي قراءات خاطئة مثل حرارة السيارة او ضغط المكينة وله تأثير على المسجل والراديو احيانا ترفع الصوت ويعطيك صامت او العكس وبعض الأحيان حتى صوت السيارة يتغير..اما اصلاح هذه المشاكل مايعرفون لها الا الوكالة او الورش الكبيرة اللي معها برامج من المصنع للسيارة .

Foxzx  خطير ماشاء الله كلامه صح

احد الأعراض من تجربتي ان السياره شغاله تمام وبعد فتره ساعه مثلا تطفي فجأه وتصير تدق سلف فقط ومن جهل معظم الكهربائيين بيقول لك طرمبه بنزين ...وللأسف غالبا مشاكل الظفيره ماتظهر بفحص الكمبيوتر او زي ماقال Foczx  غير متمكنين من الكمبيوتر 
الحل : كهربائي شاطر يتتبع كل الاسلاك ويتأكد اولا من وصول الكهربه لكل الكويلات