اغرب موقف عليك وانت تسوق او اطرف موقف

كل مواقفي مع الشيبان مدري ليش هههههه
والمشكلة ماتقدر تتفاهم معهم التفاهم معهم اصعب من اوجد 
قيمة س 
آخر موقف صار لي جيت ابي اديور الا جاية سيارة وداق اشارة 
وش معناتها اني امشي ومانتظره لانه هو بعد يبي يديور 
الا الرجال ماشي بوجهه والحمدلله ربي فكني منه ماصدمني وهو يوقف الا طلع شايب > الييين هذي القرادة 
وهو ينزل ويسب ويغلط والمشكلة هو الغلطان واقول له يامسلم انت داق اشارة ويقول لا انت ماتشوف وانت فيك وفييك والله لو ماتعوذت من ابليس وخفت من ربي كان عطيته له كف اخليه شهر مايسمع  المشكلة رجال كبير بالسن ولاتقدر تضربه ولا تقدر تسوي له شي ماغير اسكت لهم وامشي والله يصبرني عليهم ويفكني منهم 

اغرب موقف حصلت عائلة على جمس قبل الرياض على طريق الدمام الساعة 2 بالليل مبنشرين ومامعهم سبير 
عطيتهم السبير وقلت للشايب مر المحطة وخذ لك سبير انا بروح للقصيم ... دخل الرياض ولا وقف ... وقفته وقلتله مر المحطة 
قام يرفع صوته وينافخ ويهاوش .. وبالاخير قال مالك شي عندي وحرك لا ابلغ الشرطة ... عرفت اني طحت بإنسان بدون قلب 
بمجرم ونصاب ..طلعت من مخباتي 100 وحذفتها لولده الصغير ومشيت .

شرقاوي والله مايستحي هذا انا اذكر انا وخويي ماسكين طريق الدمام معنا مرسيدس وحصلنا كويتي ومعه عائله ومعه مرسيدس نفس موترنا خويي عطاه السبير حديد وقال خله معك  ودعسنا اشوي الى فيه راعي مرسيدس يطردنا وندعس عنه ويكبس لنا اشوي الى هو الكويتي وقفنا وقلنا امر قال خذ فلوس حقت السبير خويي قال والله مايجيني شي وعزم علينا اخر شي قال هذا رقمي اذا جيت الكويت امانه تدق علي قال خويي ابشر وعليها  

اغرب موقف وانا رايح للاختبار اليوم قروشني جمس لاجيت اتجاوزه يقفل علي نص تقفيله وماسك مسارين وماهو ثابت في الخط يروح يمين ويسار وعند الدوار سوا قلق للعالم
ويوم جاتني فرصه تجاوزته ونظرت في المرايه اكتشفت انها بنت ماتدري وين ربي حاطها الظاهر فاشخه سياره الشايب وبلشت , الجانب الايجابي في الموضوع ان الناس برغم القلق اللي سوته لهم
ماحد فكر حتى يهاوش او ياشر لها , الله يحفظ المدينه واهلها من كل شر

شرقاوي 
والله الشايب ما يستحي بس يلقى اللي يدق راسه
زين انك بعدت عن المشاكل بس والله ذا حلال من اهانه قدام اهله 
وينمسح بوجهه الارض الكلب 

مره كنت نازل من ابها معاي سيدرك نشيطه ماشاء الله
 ,المهم شفت بيجو تكسي اصفر فيه شايب لابس كمامه وسيارته معدومه شوي تقريباً كان ماشي 80
 ويطااالع فيني وانا ماشي من جنبه,الكلام ذا ف قبل العصر جهة الباحه ,والله ودعسه وحده ماوقفت خليت الشايب وراي ومشيت
ماوقفت ف محطه ولا شئ ,والسرعه 120 وتزيد شوي,وصلت تفتيش مكه بعد عقبة الهدا ,بعد المغرب , اطالع جنبي واشوف الشاااايب !!
والله جاني خوف غير طبيعي ,بسم الله الرحمن الرحيم ,من وين طلع ,اذكر سيارته تعباانه وماشي ف حدود 80

اغرب موقف حصل لي .. عام 2009 وقت صيفيه 
وفي زواج حضرته وبعدها ركبت الموتر ومعين من الله خير 

ونا امشي وماسك خط تعرفون ليل وجبال .. الا وشوف واحد بنص الطريق 

ماكنت مسرع ماشي100 ووقفت ويدق قزاز سيارتي ويقولي

يرحم ولديك فكني منه يرحم .. ومع الاسف كنت خايف ومشيت بسرعه جنونيه
الى الان اعاني من اكتئاب كل ماذكرت الموقف مدري وش فيه

كان ودي اعرف قصته كان ودي ساعدته .. الي خوفني ان شكله وتصرفاته
غربيه ملابسه مقطعه وجهه ملطوخ مدري هو دم صراحه

حاس بتانيب الضمير 

أنا صار لي موقف الاسبوع اللي راح وأنا مداوم ما أدري وش اللي جاني فهاوه على غباء

كنت ماشي رايح للدوام و وصلت إشارة والمفروض أخفف السرعه أنا فكيت الدعسه وخليت السياره وبغيت أصدم اللي قدامي وعلى آخر لحظه انتبهت وامسك فرامل للاخير كويس أن السياره فيها مانع انغلاق ولا كان كل الناس تطالع فيني من صوت الكفر والحمدلله عدت على خير وهذي نتايج النوم متأخر ههههههههههههههههه

مره كنت جايب بي ام m5 من الامارات وكانت مميزة السيارة بلونها وكنت ماشي في كوبري الخليج مع الاهل ورايحين مناسبة الا وشوف واحد معاه بي ام العادي ويمشي جنبي مدة طويله شوي الا اشوفه يأشر لي بالتوقف وانا تقريباً عند مخرج 13 المهم كملت الي ماوصلت طريق الخدمة ووقفت وكنت مستغرب و اقول الله يستر لايكون في مشكلة في السيارة الا الحبيب الله يصلحه يمكن عمره في الثلاثينات وشكله كبير يعني يسألني للبيع السيارة قلت انت مجنون مطلعني من الخط مع اهلي عشان تسال اذا السيارة للبيع . 
وسلامتكم . 

يعني فيه كذا موقف

بس فيه موقف واحد ناشب بمخي

بعد الافلاج جهة الرياض

ماشي على الصباحيه الساعه 10 تقريباً

الا اشوف يوكن عنابي واقف على اليمين مفتح البيبان كلها حتى الشنطه فاتحها 

المهم قلت شكله واحد معه عايله ومتعطل ومتقروش والحر لاعب فيهم هديت يوم قربت منه الا هو عزابي

مامعه احد مشغل أغاني ويرقص لحاله قدام السياره وشكله مرتب جدا وسيارته نظيفه وحلوه

لكن عرفت انها من الحبوب بالع فيها بلع

او عنده انفصام شخصيه

لان لا مكان ولا زمان ولا أجواء تخليك ترقص بالشكل ذا

مرة كنت انا وخويي طالعين نغير جو وكان معي اس اس٩٦ وكانت ايام عزه هههههه

ودخلت دوار وكل شي تمام،،،،الا ويجيك راعي لكزس من برا الدوار وماسك جواله وطااااير ولا داق اشارة!

وكان حيصدمني وانا اعلق بواري واحده على المخرج لين وقف

وفجا نزلي واتجه لسيارتي وهو يصارخ! رجال عمره حول ال٤٥ 

ويوم نزلت انا وصارخت بوجهه وقلتله ((غشيم وما احترمت اولوية الدوار وماسك جوالك ولا داق اشارة ونازل تهايط!ارجع ارجع لسيارتك وتوكل احسلك))

قام بلع العافية وركب سيارته ومشي وخويي اللي معاي بيموت ضحك

وهذا موقف ثاني كتبته في احد المواضيع

((والله ياخوي وش تسوي،،،،خلني اقولك قصتي  قبل كم يوم وانا ماشي على خط جامعه الامام(الثمامة) وانا ماسك المسار الوسط،،،،الا واشوف لاند كروزر جاي من اقصى اليمين وبيروح لاقصى اليسار بسرعه وبطريقة غير مبالية،،،،وانا ادعس فرامل بكل قوتي والحمد لله ما صدمته،،،،ويوم مشيت جا جمبي راعي اللاند وطلع رجال في الخمسين من عمره،،،وقالي((يلعن والديك يا ابن الكلب))!! يعني هو غشيم وعرض حياتي للخطر ويجي ويقل ادبه وهو رجال كبير والمفروض يحترم عمره! وانا من زود العصبية لحقته وحديته عالرصيف ومشيت،،،قام عطاني 010 ههههههههه اهم شي بردت قلبي فيه الوصخ،،،، راحو شيبان اول حقون الحكمة والوقار والكلام الفاضي 

الحين انا قلت موقف طيب الديس لايك ي مريض ليه؟ 6 ؟ بكلامي شي غلط؟
جد ي اخوان انتم كذا دايم ؟

ولاتزعل ياجاسم هذا لايك لااجل خاطرك

معليش ي عبد القادر وين عقلك؟
اولا في الشرع الضرر الاكبر يدفع بالضرر الاصغر اذا ماكان فيه طريقه اخرى

وتوضيح هذا : البنت تسوق والشارع زحام تبيني اعطل شارع كامل عشان اوقفها؟ اقولها لك والله اني انصدمت من ورا مرة
ومشيت مسافه 7 كيلو بسبب ضيق الطريق ماقدر اوقف واعطل الشارع لاني مجرب المعاناة واكره هالنوعيه
ثانيا: البلد فيها اللي كافيها من مشاكل تبيني اعترض طريق بنت وبكره يتصور مقطع او ينتشر الخبر وتكون ضربه
جديده لنا احنا سببها؟
لاي عزيزي تعقل قبل اي تصرف .. ثالثا واخيرا انت رجل تخيل مظهرك تهاوش بنت ماتعرفها في الشارع وتخيل كمية الدعاوي اللي راح تجي عليك
وتخيل بكره المرمطه اللي راح تاكلها وايش ممكن تتبلا عليك ؟

تعقلوا يَ اخوان 

يعني جريمه عظيمه ان المرآه تسوق

ترى المحتشمه والمحترمه مايضر ساقت ولا ماساقت السياره

البلا من المتبرجه سواء تسوق او لا

والشباب الضايع والمخيس اللي يطارد البنات هذولا هم المعفنين وزبالة التاريخ اكرم منهم

مرة كنت امشي في امان الله في مساري ومنتبه للخط شوي يجيني راعي اكسنت ويحدني ويأشر لي وقف على الجنب يبي يتضارب انا انلخمت ولا ادري وش وضعه رغم اني ماسويت له اي شيء ومتأكد من ذلك لكن اضنه ملحوس الرجال المهم قلت اوكي نوقف نوقف ويوم شافني وقفت له انحاش وبعدها كملت طريقي للجامعة بعض الناس غريب ولا تدري وش يبي والحمدلله والله يحفظنا من شر الاشرار